عندما يقرر من حولك بأنك منبوذا ليس لسبب تعلمه
عندما يقرر شريك حياتك أنه لم يعد بحاجة إليك بعد الآن
عندما يقرر مديرك أنك لم تعد تصلح للعمل
أو يقرر أبناؤك التخلي عنك
تشعر بأن القدر يسخر منك
تفقد الرغبة في البكاء وتفقد الرغبة في الابتسام على حد سواء
حينها تتساوى الألوان وتتوحد المشاعر
يصبح الأبيض مثل الأسود
تنظر للسماء فلا تجد فرقا بين الليل والنهار
ولا فرقا بين طعام و آخر
ولا حتى بين التنفس و الموت
تشعر بأنك تنظر للعالم نظرة بلهاء جامدة
فقط استسلم لبرهة واستمتع بكونك بلا ألم ولا سعادة
استمتع بأنك تعيش مؤقتا في المنطقة الرمادية
فان مقاومة الموج تسبب الغرق
والرمال المتحركة تلتهم من يعاديها بسرعة اكبر
اترك المشاهد تمر أمام عينيك و تظاهر بأنك لست جزءا منها
استرخ
دع الهدوء يتخلل كل خلاياك
لا تلم نفسك ولا تصب اللعنات على غيرك
لن تطول فترة السكون
تذكر انه لا شئ يبقى على حاله
وان العاصفة قادمة لا ريب
فقط ادعي الله أن تكون عاصفة ممطرة
حتى ينبت الزرع وتتفتح الورود
ولا ترهق نفسك بانتظار المطر
هذه ليست دعوة للسلبية
ولكنها دعوة لترك فترة الإحباط واليأس تمر في سلام
ليبدأ من بعدها
موسم الحصاد
شخابيط
* * *
الصورة المرفقة من شخابيطي
هناك 7 تعليقات:
الفترات دى من الحياه لو لم تمر بى ... لو لم اخبرها ... لو لم اجربها ... لو لم اعيشها حقاً ... لدفعت المال من أجل تجربتها
مش مبالغه
الفترات دى بتعيد اكتشاف الانسان لنفسه ... الفترات دى بتفلتر العلاقات ... وبتوضح الرؤيه ... وبتزيد الادراك
الفترت دى بتثقل التجربه الحياتيه ... وبتزيد من عمقها
الفترات دى بتعلم الاعتماد على النفس ... والمسئوليه
الفترات دى بتبقى عامله زى نهاية فصل ف رواية ... او مشهد فى مسرحيه ... او علامة الفاصله فى الجمله
الفترات دى بتبقى زى لاعب الالتزان اللى بيمشى ع الحبل ... وهوب خلاص هيقع ... وف ثانيه بيعيد اتزانه
الفترات دى بتبقى عامله زى نهاية يوم ممطر عاصف ... مع استمرار رزاز خفيف منعش ... واجواء دافئة ... ولمعان الاضواء بالطرقات ... وجلاء الرؤيه
الفترات دى قاسيه جدا ... بس احساس الفخر باجتيازها ... ما بعده احساس
ف الفترات دى احنا اللى بنبكى ... واحنا اللى بنمسح دموعنا بايدينا
ف الفترات دى احنا اللى بنعالج نفوسنا ... ونداوى اى جراح
- أسف ع الإطاله
- وتسلم ايديكى
:)
سورى نسيت اعلق على اللوحة ... بانها روعه مش شخابيط ... واضح ان حضرتك دارسه مش هاويه ... ده بسبب اعتبارات الإضاءه ... أو افتراض مصدر للضوء والظلال ... بالإضافه لأن اللوحه معبره عن الموضوع جدا وفيها منه كتير ... وفيها body language بيحاكى الاحاسيس والمشاعر المكتوبه ( الإحباط ) والجلوس لإلتقاط الانفاس ... بدون تعبيرات حزن او سعاده ف الوجه
حضرتك كنتى فين من زمان ؟
ENG ELSAYED
فعلا الفترات دي بتكون صقل لكل الخبرات اللي الواحد اتعلمها في حياته وبتكون وقفة وفرصة لتحديد المسار الجديد لأنها غالبا بتكون عند مفترق طرق او عند منحنى جديد في الحياه علشان كده انا رأيي ان الانسان يجب ان يقف عندها ويستمرئها ولا يتعحل اﻵتي بعدها فهو قادم لا محالة لكن الفرق بيكون في وضوح الرؤية او دخول المرحلة التالية في حالة تشوش فكري و نفسي .
اشكرك على تعليقك على الصورة . لكن للاسف انا مش دارسة الرسم عموما.. مع اني كنت اتمنا ومبن عارف جايز في المنحنى الجاي يكون ده اتجاهي .
اسعدتني جدا
شكرا
ولا أعرف كيف لي ان أضيف بعضا من كلمات ربما لا تليق بأهمية ما ذكرتيه وحلاوته . ربما قد أنهى الاستاذ السيد في تعليقاتة كل الكلام . ولكن ها أنا ذا .
بداية من العنوان ( عندما يتساوى الأبيض والأسود ) وقد تسائلت عن الكيفية التي ربما يتساوى فيها شيئان مختلفان نهائيا عن بعضهم البعض . هو الضد تماما . وبدات في قراءة تلك الكلمات .
وإذا بهذا الاحساس يراودني . وتلك الكلمات تلمسني . شيء صعب ان يتخلى عنك أحدهم . أو ان يفقد احدهم الثقة بك . او ان يتخلى عنك عمودك الفقري ليميل وتتماسل انت معه . فلا تقوم لك قامة بدونة . عندما تحلم ويأتي أحدهم ليحطم لك أحلامك . أو أن نصفك الأخرى يقرر أنك لم تعد مكملا له .
والكثير من كل تلك الاحاسيس القاتلة .
تراودنا جميعا . نمر بها . تأتينا وتتركنا . ومن ثم تعيد لنا الزيارة .
لا شك ان الدموع واجبة . حتى تنظف عيوننا . ولا شك ان الضحكة رائعة عندما تظهر مدى جمال تلك العيون .
اقتباس ( تشعر بأنك تنظر للعالم نظرة بلهاء جامدة ) بالأحرى أنك لا تنظر حينها . فقط تكون عيونك مسلطة على شيء ما ولا تعرف له ماهية أو شكلا محددا أو لونا له . كل ما في الأمر أنك تنظر .
اقتباس ( فقط استسلم لبرهة واستمتع بكونك بلا ألم ولا سعادة
استمتع بأنك تعيش مؤقتا في المنطقة الرمادية ) أعجبني هنا فكرة تجربة الاستسلام لبرهة . والاستمتاع بالألم الدفين الذي نتجاهلة .
اقتباس ( هذه ليست دعوة للسلبية
ولكنها دعوة لترك فترة الإحباط واليأس تمر في سلام ) ستمر فعليا بسلام . ولكن ألم تفكري في الخسائر المحتملة الحدوث . اقصد واجبة الحدوث . الأحباط واليأس لا يمر فقط هكذا بالأكيد وبكل تأكيد هناك خسائر ما .
ولا أقصد بالخسائر أنه لا توجد فوائد . فالفوائد كثيرة وكما ذكر الاخ سيد فيها فلترة للكثير من العلاقات والهدوء النفسي الذي نحتاج اليه كثيرا لاكتشاف انفسنا . و و و و
اما عن الرسمة . فكيف لي ان اشاهد موهبة ما ولا اعطيها حقها . انتي موهوبة في الرسم . وهي احترافية تماما . جميلة بكل معالمها . الاضاءة والظل والمعنى الكامن بها والمرتبط بالموضوع والكلمات أدناها .
تشكراتي . كامل احترامي وتقديري . دعواتي وتحياتي .
:))
أولاً ألف ألف شكر على سؤالك الكريم عند زميلنا الكريم الجميل / شرقاوي ربنا يكرمك يا رب وجزاكي الله كل خير ، بصراحة وزي ما تقولي حضرتك كده باعمل فرز للبوستات اليومين دول بمناسبة مرور خمس سنين (اليوبيل الخشبي) على التدوين فلقيت إني نشرت 158 بوست في الفترة دي -- غير اللي كانوا في المدونة القديمة وغير حوالي 300 بوست مسودات ما اتنشروش خالص -- بس اللي حسيت أنهم يعني ينفعوا يتنشروا من كل ده 31 بوست بس !! (ده أنا كده مجاملني بزيادة) .. أه هي المدونة اسمها "هجايص" ومعظمها هلس ؛ بس تبقى هلس ومبتذلة ؟؟ ده شيء أنا مش بالعة .. أو هلس وفذلكة واستعباط واستعراض ؟؟ .. أو هلس ولعب بالكلام وابتزاز عاطفي علشان الناس تقرا وتنبهر وتتشحتف وتتنهد وتسقف من غير أي مضمون ؟؟ .. ده شيء صعب مش قادر أغفره لنفسي بجد .
البوستات الباقية مش عارف أصنفها وفيه كتير منها مستغرب أصلاً أنا إزاي كتبتها !! .. مش وحشين ، بس برضه مش عاجبني !! .. زي ما تقولي حضرتك كده باعمل تقييم لنفسي .. وقفلت التعليقات علشان اللي حابب يقراهم ما يتشتتش ولا يتأثر بأي رأي ممكن يكون مختلف عن اللي منشور في البوست .. عن نفسي باعيد قرايتهم تاني .. أصل بعد فترة في الكتابة .. ما ينفعش دلوقت أكدب وأقول إني باكتب لنفسي -- رغم إني في الأساس عملت المدونة علشان أكتب لنفسي !! -- طالما بقت فيه ناس بتراقب وبتقرا وبتعلق وبتشير !! طالما إن أي حد من أي بلد في العالم ممكن بالصدفة يدخل ويقرا الكلام ده في أي وقت .. عن نفسي باعتقد إن فيه إلتزام أدبي يحتم عليا إني أفكر ألف مرة قبل ما أكتب أي حرف أو لفظ ومليون مرة قبل ما أنشر أي حاجة .. سألت نفسي : هل أحب إن ياسين و آدم (أولادي) يقرولي حاجة من اللي باكتبه ؟؟ .. وطبعاً لله المثل الأعلى اللي المفروض اتقيه وأراعيه فيما أكتب .
البوستات المنشورة دي ممكن أدعي إني كنت باكتب فيها لنفسي -- بغض النظر عن قيمتها ومستواها بس لا أخجل من نسبها ليا -- .. ممكن البوستات دي تكون سبب يحفزني علشان اتكسف على دمي وأرجع أكتب حلو تاني .. أو على الأقللو ما عرفتش ؛ أرجع أتابع وأقرا للزملاء المبدعين واتعلم منهم .. كنت قيمت أدائي من فترة وخدت تقييم بنسبة تتراوح ما بين 58% و62% ، ما أقدرش أقول إن النسبة دي انخفضت دلوقت ، بس ثباتها في حد ذاته شيء يخلليني أقلق !!
عامة .. أرجو إن كلامي ما يتاخدش بحساسية من أي حد سبق وشرفني في المدونة وعلق على أي موضوع .. لأني بجد باعتز جداً وباتشرف بكل اللي بيزورني حتى لو ما علقش .
باعتذر جداً عن الإطالة وعن عدم تعليقي على البوست بتاع حضرتك لأني بصراحة مش مركز حالياً في القراءة ، بس الصورة حقيقي تحفة .. انتي مبدعة والله .. طب ما تفكري تستغلي جزء من المدونة في الرسم ؟؟ .. يعني مثلاً : الزملاء يبعتوا لك صورهم وترسميها لهم بالرصاص ؟؟ والصورة مبدئياً بخمسين جنيه !! .. إن شالله ما عن حد حوش !! .. أنا مش عاوز نسبة من الأرباح ، أنا عاوز صورتين للعيال بالحجم الطبيعي :D
خالص تحياتي
B A S H A
أهلا وسهلا ايه النور ده !
اولا احب اشكر حضرتك على ردك و اهتمامك . ويا رب بس مكنش تقلت على الاستاذ شرقاوي و انا بسأل عن حضرتك .
بالنسبة لمدونة هجايص لو تسمحلي اقول رأيي المتواضع ... فالمدونة وكتابات حضرتك عموما اكتر حاحة بتميزها هي العفوية و التلقائية رغم ان اسلوب السرد والانتقال بين الاحداث حرفي جدا .
لو حضرتك اخترت 31 بوست بس من كل ده اكيد تبقا مش مدي قلمك حقه . وعموما اعتقد ان تقييمك لنفسك مش كفاية ولازم تسمع رأي قراءك . على اي حال احب اقولك اني كتير اوي رشحت بوستاتك لناس اعرفهم ده غير اني كنت اوقات باخد كوبي من البوستات وانشرها( باسمك وعنوان مدونتك) على الفيس بوك والنتيجة كانت 100% بدون اي مبالغة وبالاجماع كمان يعني افتكر بوستات زي الجمبرياية وعم ماهر و الدنيا حلوة كانوا تلقائيين جدا وبنفس اسلوبك السهل الممتنع ومع ذلك لا تتخيل اد ايه من الناس اللي اعرفهم شخصيا اعجبوا بيهم ومش كل اللي بيقرا بيعلق على فكرة .
لكن برضوا في نقطة مش فهماها .هو حضرتك بدأت تمسح في بوستات من المدونة؟. لان الصفحة الرئيسية بتفتح على بوست Z وده من اغسطس .
على اي حال احنا بندعي ربنا ان الجرد يخلص بسرعة ونقرالك قريب جدا ويارب كل ده ميخلكش تغير اسلوبك الشيق .
وميرسي جدا على تعليقك على شخابيطي ويارب نكون دايما عند حسن ظنكم
اسفه للاطالة
ويارب تكون دايما بخير
SHARKawi
تخيل حضرتك اني بالصدفة البحتة انهارده فتحت تعليقات البوست ده تاني و لقيت ردي على تعليقك لم ينشر ؟...
لا اعرف كيف حدث ذلك لكن جايز بسبب سوء النت
على اي حال كلامك و تعليقك اسعدني جدا و انا قريته اكثر من مرة بالمناسبة .
في انتظار جديدك
تحياتي الخالصة
إرسال تعليق