هي الدنيا بتجري ولا أحنا اللي بننام و نصحا فجأة ؟؟
كل حاجة بقت ماشية بسرعة الصاروخ
لما بفتكر أيام زمان بحس إنها هي الواقع
وإن اللي حاصل دلوقتي مجرد خيالات
زي الإسكتش اللي لسه متحولش لحقيقة
المصيبة أن ده واقع مجتمع بالكامل
كنت فاكرة أني أنا بس اللي بعاني من الإحساس ده
لكن بعد ما عرفت أن الهند طلّعت أول مركبة فضائية ليها
للمريخ !!!
و أحنا لسه بنفكر ندخل الحمام باليمين و لا الشمال
ولسه بنعمل ندوات كاملة عشان ندافع
عن ختان الإناث و سن الجواز يبدأ من 9 سنين و لا 12 سنة !!
و بنفكر لو سبنا الشبشب مقلوب و معدلنهوش يبقا
مصيرنا إيه ...!!
ده غير العباقرة و المخترعين المصريين صغيرين و كبار
اللي مش بيلاقوا حد يقف جنبهم
وبيقولولهم نفذوا أختراعاتكم بفلوسكم و أحنا نشتريها
وطبعا الدول الأجنبية تلهفهم براحتها
كنتيجة طبيعية للفقر و الإحساس بعدم التقدير
أكتشفت أن كلنا نايمين في العسل
و ملزقين فيه كمان
يظهر أننا حنفوق من النوم بعد فوات الأوان
ده لو سمعنا المنبه أساسا
شخابيط
**
ليست هناك تعليقات:
إرسال تعليق