( تكلم هامسا حين تتحدث عن الحب ) شكسبير
عذرا سيدي شيكسبير فأنا أنوي الحديث عن الحب بأعلى صوتي .
رسالة الى كل مدعٍ للحب
في البداية أحب أقول أن كل اللي جاي من كلام
هو منيّ أنا .. يعني رأيَ شخصي
الحب ممكن يكون له تعريفات كتير
ممكن يكون كدبه بيستخدمها أنسان لخداع أنسان أخر
ممكن يكون أحساس جميل أتولد في وجدان أنسان تجاه أنسان أخر
سواء الأنسان التاني يستحقه أو لأ
ممكن الحب يكون معنى تاني للعشرة ؟
معتقدش
جميع التعريفات السابقة مرفوضة
الحب هو الحب
كتير ناس بتسأل ذوي الخبرة
هو انا أعرف أزاي أني بحب
من موقعي ده مليش الحق أني أرد
لكن قررت أرد
الحب طهر
ربنا خلق الحب شئ نقي و طاهر
أن في ناس بتتسلق على أكتاف الحب للوصول
لأهداف دنيوية متدنية
ده مش معناه أن الحب فقد طهره
أن في ناس بتؤمن أن الحب جنس وبس
ده مش معناه أن الحب فقد عذريته
الحب إخلاص
من غير متحس هتلاقيك مخلص
من غير وعي ولا أدراك
مش هتقدر تشوف ولا تحس بطعم أي
شئ في الدنيا أجمل من .. حبيبك !!
الحب أشتياق
الحب غيرة و تملك
الحب إيثار
الحب تضحية
الحب رضا
الحب أنك تتفقد تفاصيل حبيبك
كلما نظرت إليه
وكأنها أول مرة
الحب أنك تغمض عنيك من غير وعي منك
وأنت بتسمع صوت حبيبك في التليفون
حتى لا يشغلك نظرك ولو للحظة عن الأستمتاع بصوته
الحب أنك تبص لحبيبك كل مرة بأنبهار
كأنك بتشوف لوحة لدافنشي تم أكتشافها قبل دقائق فقط
الحب أن لو حبيبك إتألم
يوصل الألم لصدرك عشرات الأضعاف
الحب أنك تموت ألف مرة لو غاب عنك
لو خاصمك
الحب أنك لما تسمع صوته تملا الدنيا نشاط و أمل
ولما يبعد يبعد معاه النوم
ويتمرر طعم الأكل
الحب أنك تصونه وهو غايب
الحب أنك ... وأنك ... وأنك ...
لكن ده بقا من الندرة لدرجة تحس معاها أنه مبقاش موجود
زي حاجات كتيرة ربنا فطرنا عليها
ونسيناها وسط دنيا المصالح
الدنيا اللّي بتحكمها
القيم المزيفة
شخابيط
ـــــــــــــــــ
ليست هناك تعليقات:
إرسال تعليق